Cəbhədə ermənilərlə döyüşdə şəhid olan 1996-cı il təvəllüdlü əsgər Rəşid Əliağa oğlu Baxşəliyev bu gün Sumqayıt Şəhidlər Xiyabanında dəfn edilib.

 

APA TV-nin xəbərinə görə, dəfn mərasimdə Sumqayıt və Zəngilan İcra hakimiyyətlərinin rəhbərliyi, Müdafiə Nazirliyinin rəsmiləri, deputatlar, hökumət və ictimaiyyət nümayəndələri iştirak ediblər.

 

Yaylım atəşi açıldıqdan və Azərbaycanın Dövlət Himni səsləndirildikdən sonra şəhid torpağa tapşırılıb. Şəhidin tabutuna çəkilən üçrəngli bayraq yaxınlarına təqdim olunub.

 

 Qeyd edək ki, Rəşid Baxşəliyev hərbi xidmətini başa vurub evə qayıtmaq üzrə idi.