Bu gün Azərbaycan Silahlı Qüvvələrinin müddətdən artıq hərbi qulluqçusu, 1994-cü il təvəllüdlü şəhid Məhəbbət Zaman oğlu Mirzəyev Beyləqanda dəfn olunub.

 

APA TV-nin Qarabağ bürosunun xəbərinə görə, şəhid doğulduğu Beyləqan rayonunun Dünyamalılar kəndində torpağa tapşırılıb.

 

Dəfn mərasimində Beyləqan və Xocavənd Rayon İcra hakimiyyətlərinin başçıları, millət vəkili Çingiz Qənizadə, rayonun hüquq-mühafizə orqanlarının rəhbərləri, rayon ictimaiyyətinin nümayəndələri, kənd sakinləri və Silahlı Qüvvələrin zabitləri iştirak edib. Şəhidin tabutuna sarılan üçrəngli bayraq atasına təqdim edilib.

 

Qeyd edək ki, Məhəbbət Zaman oğlu Mirzəyev cəbhə xəttinin Tərtər istiqamətində  gedən döyüşlərdə şəhid olub.