Dünya bazarında neftin qiyməti günə nisbətən ucuzlaşıb. APA TV-nin məlumatına görə, “Brent” markalı neftin bir barelinin qiyməti 44 dollardan 43,11 dollaradək ucuzlaşıb.

 

WTI nefti də dəyər itirib. Qərbi Texas neftinin qiyməti dünən 41 dolları keçsə də, hazırda qiymətlər 40,41 dollaradək enib.

 

Qeyd edək ki, sabah Dohada OPEK üzvləri və kartelə üzv olmayan ölkələrin toplantısı keçiriləcək. Görüşdən müsbət qərar çıxarsa, qiymətlərin bir müddət də bahalaşacağı gözlənilir. Tərəflər razılığa gəlməsələr, o zaman neftin qiymətində yenidən ucuzlaşma başlayacaq.