Bakıda çay evində 40 yaşlı qadını döydülər
Bakıdakı çay evlərindən birində qadına qarşı xuliqanlıq edilib. AP TV-nin məlumatına görə, Xəzər rayon sakini, 1976-cı il təvəllüdlü qadın polisə müraciət edərək bildirib ki, Sarayevo küçəsində işlədiyi "Red House" çay evində iş yoldaşı tərəfindən döyülüb. Şikayətçi əlavə edib ki, 1958-ci il təvəllüdlü Asif Alxasov onu döyməklə yanaşı həm də söyərək təhqir edib.
Qadının şikayətçi olduğu şəxs polis tərəfindən saxlanılaraq dindirilib, araşdırmalar davam etdirilir.
