Bərdədə bir nəfərin ölümü üç nəfərin ağır xəsarət alması ilə nəticələnən qəza baş verib. APA TV-nin məlumatına görə, hadisə Yevlax-Bərdə magistral yolunun Bərdəni Şorəlli kəndində keçən hissəsində qeydə alınıb.

 

Tərtər rayon sakini, 1975-ci il təvəllüdlü Qəhrəman Bəhmən oğlu Qurbanov "NAZ Lifan" avtomobili ilə hərəkətdə olarkən qəfil idarəetməni itirib. Daha sonra o, maşını yol kənarındakı dəmir qoruyucuya  çırpılıb. Nəticədə Qurbanovlar ailəsindən bir nəfər  - 1933-cü il təvəllüdlü Humay Salman qızı Qurbanova həyatını itirib. Ailənin sürücü ilə bərabər üç üzvü - 1977-ci il təvəllüdlü Həmayyə Gəncəli qızı Qurbanova, 2015-ci il təvəllüdlü Münəvvər Qəhrəman qızı Qurbanova ağır bədən xəsarətləri alaraq Bərdə Mərkəzi Rayon Xəstəxanasına çatdırılıblar.

 

Qəzaya səbəb kimi sərxoş sürücünün sürət həddini aşması göstərilir. Faktla bağlı Bərdə Rayon Prokurorluğunda araşdırma aparılır.