Rusiyanın xarici işlər naziri Sergey Lavrovun Ermənistana səfəri bu ölkədə etirazlara səbəb olub. APA TV-nin erməni mətbuatına istinadən xəbərinə görə, rusiyalı nazirin Dağlıq Qarabağ münaqişəsi ilə bağlı anti-erməni planının olduğunu əsas gətirən bir qrup fəal ötən gecə paytaxt İrəvanın mərkəzi meydanında etiraz aksiyası keçirib.

Aksiyaçılar həmçinin Rusiyadan Azərbaycana silah satışına son qoyulmasını da tələb ediblər. Qeyd edək ki, bu gün, aprelin 22-də Sergey Lavrov İrəvanda erməni həmkarı Edvard Nalbandyanla görüş keçirəcək.