Azərbaycan prezidenti İlham Əliyev aprelin 27-də Fransanın keçmiş baş naziri Dominik de Villpeni qəbul edib.

 

APA TV-nin xəbərinə görə, yenidən Bakıya səfər etməsindən məmnunluğunu bildirən Dominik de Villpen iştirak etdiyi BMT-nin Sivilizasiyalar Alyansının VII Qlobal Forumunun uğurla keçdiyini dedi, iqtisadi və siyasi vəziyyətin asan olmadığı indiki dövrdə Azərbaycanda inkişafın şahidi olduğunu vurğulayıb. O, Azərbaycanın uzun illər dostu olduğunu qeyd edib.

 

Prezident İlham Əliyev Fransanın keçmiş baş naziri Dominik de Villpenlə Bakıda və Parisdə keçirdiyi görüşləri məmnunluqla xatırlayaraq, qonağın Forumda iştirakının əhəmiyyətini vurğulayıb.

 

Görüşdə BMT-nin Sivilizasiyalar Alyansının VII Qlobal Forumunda müzakirə edilən məsələlərin önəmi qeyd olunub, tədbirin beynəlxalq əməkdaşlığın genişləndirilməsi baxımından xüsusi əhəmiyyət daşıdığı vurğulanıb.