Zaqatalada “Azərpoçt”un ofisindən içərisində pul olan seyf oğurlanıb.

 

APA TV-nin  məlumata görə, aprelin 27-i gecə saatlarında “Azərpoçt” MMC-nin Zaqatalanın Muğanlı kənd ərazisində fəaliyyət göstərən filialı naməlum şəxslər tərəfindən yarılıb.

 

Zaqatala rayon Polis Şöbəsindən APA TV-yə faktı təsdiqləyiblər. Bildirilib ki, hələlik kimliyi müəyyənləşdirilməmiş şəxs və yaxud şəxslər filialdan içərisində 480 manat və sənədlər olan seyfi oğurlayıblar.

 

Faktla bağlı Zaqatala RPŞ-də araşdırma aparılır.