Ermənistanda rus hərbçisi Valeri Permyakovun növbəti məhkəmə prosesi keçirilib. APA TV-nin erməni mətbuatına istinadən xəbərinə görə, prosesdə ittiham olunan əsgərin məhkəmə istintaqı dövründə verdiyi ifadələrinə yenidən baxılıb.

Məhkəmə həmin ifadələrin səs yazılarını dinləyib və bir daha istintaq ekspertizasına təqdim olunması qərara alınıb. Bu, Permyakovun törətdiyi cinayətlə bağlı verdiyi yeni ifadələrlə əlaqədardır. Bu vaxta qədər Rusiyanın Ermənistanın Gümrü şəhərindəki 102-ci hərbi bazasının hərbçisi 17 dəfə erməni və rus müstəntiqləri tərəfindən dindirilib.

Xatırladaq ki, Valeri Permyakov Gümrü şəhərində bir erməni ailəsini qətlə yetirib. Avetisyan ailəsinin 7 üzvü olub.