Zaqatalada canavarlar tövlədə qoyunlara hücum edib. APA TV-nin məlumatına görə, canavar rayonun Danaçı kənd sakini Taibat Ömərovanın həyətyanı sahəsində tikilən mal tövləsinə girərək qoyunları parçalayıb.

 

Ev sahibinin  sözlərinə görə, aprelin 28-dən 29-a keçən gecə tövlədən müxtəlif səslər eşitsələr də, silahsız olduqlarından tövləyə enməyə qorxublar. Səhər tezdən tövləyə gedən ev sahibəsi iki qoyunun parçalandığını görüb. Xoşbəxtlikdən canavarlar tövlədə olan at və iribuynuzlu heyvanlara toxunmayıb.

 

Kənd sakinləri bildiriblər ki, belə hadisələr kənddə vaxtaşırı baş verir.