Azərbaycanın cənub bölgəsində 9 oktyabr prezident seçkilərinə start verilib.
Bölgənin 6 rayonunda 10 Dairə Seçki Komissiyasının 493 seçki məntəqəsində 336 min 952 seçici qeydiyyatdadır. Seçkini izləmək üçün 4024 yerli və xarici müşahidəçi qeydə alınıb. APA TV-nin əməkdaşının müşahidə apardığı 73 saylı Lənkəran şəhər DSK-nın 8 saylı məntəqəsində 1284 nəfər seçici qeydiyyatdadır. Məntəqə bütün lazımi avadanlıqlarla təchiz olunub, veb-kamera quraşdırılıb. Burada ilk saatlardan seçici aktivliyi müşahidə olunur.