Mingəçevir, Göyçay, Ağdaş, və Qəbələdə seçkiləri 1559 yerli və 15-dən artıq beynəlxalq müşahidəçi izləyir. Ölkənin hər yerində olduğu kimi, Mingəçevir şəhərində, Göyçay, Ağdaş və Qəbələ rayonlarında da səsvermə prosesi başlayıb. Bu şəhər və rayonlarda 5 seçki dairəsi üzrə 199 seçki məntəqəsi fəaliyyət göstərir. 49 seçki məntəqəsində veb-kameralar quraşdırılıb. Dairə Seçki Komissiyalarından verilən məlumata görə, ilk saatlardan etibarən bölgə seçiciləri ölkə üçün mühüm əhəmiyyət daşıyan bu siyasi kampaniyada çox fəal iştirak edirlər. Məntəqələrdə səsvermənin gedişini müxtəlif siyasi partiyaları və qeyri-hökumət təşkilatlarını təmsil edən 1559 nəfər yerli, habelə 15-dən artıq beynəlxalq müşahidəçi izləyir.