Builki prezident seçkilərində səsvermə prosesini 119 seçki dairəsinin 1000 seçki məntəqəsində quraşdırılmış veb-kameralar vasitəsilə izləmək mümkündür. APA TV-nin xəbərinə görə, ümumilikdə ölkə üzrə seçki məntəqələrinin 20 faizində veb-kamera quraşdırılıb. Səsvermə prosesini MSK-nın saytına daxil olaraq, izləmək mümkündür (http://polling.msk.gov.az/polling/index.php?r=cameraView/index&lang=en).

Öncəki prezident seçkilərində cəmi 500 seçki məntəqəsində veb-kamera quraşdırılmışdısa, builki seçkidə həmin məntəqələrin sayı iki dəfə artıb. Veb-kamera quraşdırılmış seçki məntəqəsi əksər dairə seçki kommissiyalarını əhatə edir. Sadəcə, 120 saylı Cəbrayıl-Qubadlı, 121 saylı Laçın, 122 saylı Xankəndi, 123 saylı Kəlbəcər, 124 saylı Şuşa-Ağdam-Xocalı-Xocavənd, 125 saylı Zəngilan-Qubadlı seçki dairələri üzrə veb-kameraların quraşdırılması nəzərdə tutulmayıb.