Təzə Pir məscidində xalq şairi Söhrab Tahirlə vida mərasimi keçirilib. APA TV-nin məlumatına görə, vida mərasimində mədəniyyət və turizm nazirinin müavini Vaqif Əliyev, Azərbaycan Yazıçılar Birliyinin sədri Anar, katibi Fikrət Qoca, xalq yazıçısı Çingiz Abdullayev, xalq şairi Nəriman Həsənzadə, xalq yazıçısı Mövlud Süleymanlı, yazıçı Natiq Rəsulzadə, Mədəniyyət və Turizm Nazirliyinin rəsmiləri iştirak edib.

 

Xalq yazıçısı Anar və xalq şairi Nəriman Həsənzadə Söhrab Tahirin xidmətlərindən danışaraq, onun  vəfatını Azərbaycan ədəbiyyatında itki kimi qiymətləndiriblər.

 

Vida mərasimindən sonra xalq şairi Söhrab Tahir II Fəxri Xiyabanda dəfn olunub.