Xudat şəhərində qətl hadisəsi baş verib. APA TV-nin bölgə müxbirinin verdiyi xəbərə görə, şəhərin Zeynalabdin Tağıyev küçəsi-79 ünvanında yaşayan 1961-ci il təvəllüdlü Rafiq Məhəmməd oğlu Şıxverdiyev qonşusu, 1936-cı il təvəllüdlü Fatma Ramazan qızı İbrahimxəlilovanın boğazını kəsərək qətlə yetirib.

 

Hadisəni törədən Rafiq Şıxverdiyev Xudat polisi tərəfindən saxlanılıb.

 

Mərhumun kürəkəni Vaqif Ağayev hadisəni belə xatırlayır: "Evdə oturmuşdum, zəng gəldi ki, qonşu Rafiq Fatma xanımı öldürüb. Gəlib gördük ki, arvadı başından, bədənindən bıçaqlayıb. Rafiq dinc adam olmayıb. Gah oğurluq edib, gah kiməsə sataşıb, gah kiminləsə dava edib".

 

Faktla bağlı rayon prokurorluğunda araşdırma aparılır.