Bakıda 3 nəfərin xəsarət alması ilə nəticələnən yol qəzası baş verib. APA TV-nin məlumatına görə, hadisə Aeroport şosesinin Binə qəsəbəsi ərazisindən keçən hissəsində qeydə alınıb.

 

"VAZ-2107" markalı avtomobil sürətlə hərəkətdə olan zaman əvvəlcə maneəyə çırpılıb, sonra isə yol kənarındakı piyadanı vurub. Hadisə nəticəsində piyada, 55 yaşlı Mehman Ayazxan oğlu Nəzərov, eləcə də avtomobildəki sərnişinlər -  63 yaşlı  Xuraman Ümid qızı Məhərrəmova və onun qızı, 26 yaşlı Lamiyə İlqar qızı Məhərrəmova xəsarət alıblar. Yaralılar 3 saylı Şəhər Kliniki Xəstəxanasına çatdırılıb.

 

Faktla bağlı Xəzər Rayon Polis İdarəsində araşdırma aparılır.