Dövlət Sərhəd Xidməti Akademiya­sında «Qərargah zabit­lərinin hazırlığı» akademik kurslarının ilk məzunlarına sertifi­katların verilməsi münasibətilə təntənəli mərasim keçirilib.

 

DSX mətbuat mərkəzindən APA TV-yə verilən məlumata görə, mərasim­də Dövlət Sərhəd Xidmətinin rəisi - Sərhəd Qoşunlarının Komandanı general-polkovnik Elçin Quliyev iştirak edib.

 

Dövlət himninin səslənməsi ilə başlayan mərasimdə general-polkovnik Elçin Quliyev tərəfindən gənc zabitlərə sertifikatlar təqdim olunub. Sertifikatlar təqdim olunduqdan sonra gənc zabitlərin adından çıxış edən kapitan T.Ağamalıyev akademik kursların ilk məzunları olmaqdan şərəf və qürur duyduqlarını bildirmiş, kursu uğurla başa vurmaqda, sərhədçi peşəsinin, hərb sənətinin sirlərinə daha dərindən yiyələnməkdə, bilik və bacarıqlarını  təkmilləşdirməkdə əməyini əsirgəməyən zabitlərə, müəllimlərə təşəkkürünü  bildirib.

 

Akademik kursları bitirmiş zabitlər Vətənə sədaqətlə xidmət edəcəklə­rinə, onlara göstərilən etimadı nümunəvi xidmətləri ilə doğruldacaqlarına, dövlət sərhədlərimizin etibarlı mühafizəsini təmin etmək üçün bilik və bacarıqlarını əsirgəməyəcəklərinə söz veriblər.

 

Dövlət Sərhəd Xidməti Akademiya­sının rəisi polkovnik Elşən Verdiyev «Qərargah zabit­lərinin hazırlığı» akademik kurslarının təşkili barədə məlumat verərək, zabitlərin zəruri bilik və vərdişlərə yiyələndiklərini qeyd edib.

 

Dövlət Sərhəd Xidmətinin rəisi - Sərhəd Qoşun­la­rı­nın Komandanı general-polkovnik Elçin Quliyev mərasimin Ulu Öndər Heydər Əliyevin müəyyənləşdirdiyi milli sərhəd strategi­yası­nın Azərbaycan prezidenti, Silahlı Qüvvələrin Ali Baş Komandanı İlham Əliyevin rəhbərliyi altında uğurla həyata keçirilməsinin növbəti təntənəsi olduğunu qeyd edərək, akademik kursları müvəffəqiyyətlə başa vuran zabitlərin Azərbaycan Sərhəd Mühafizəsinin inkişafında mühüm rol oynayacaq­larına əminliyini ifadə edib. Zabitləri təbrik edən general-polkovnik Elçin Quliyev onlara uğurlar arzulayıb, tövsiyələr, tapşırıqlar verib.

 

Mərasim başa çatdıqdan sonra zabitlər Ulu Öndər Heydər Əliyevin abidəsi önündə xatirə şəkilləri çəkdiriblər.