Bir sıra ölkələrin dövlət və hökumət başçıları yenidən prezident seçilməsi münasibətilə dövlət başçısı İlham Əliyevi təbrik ediblər. Azərbaycan prezidentinə zəng vuran Türkiyənin baş naziri Rəcəb Tayyib Ərdoğan seçkilərdə əldə etdiyi inamlı qələbə münasibətilə dövlət başçısını təbrik edib, xalqımızın və dövlətimizin gələcək inkişafı naminə ona ali dövləti fəaliyyətində yeni-yeni uğurlar arzulayıb. Türkiyə prezidenti Abdullah Gül və Ukrayna prezidenti Viktor Yanukoviç da dövlət başçısının prezident seçkilərində qalib gəlməsi münasibətilə ilk təbrik edənlər arasında olub. Prezidentlər bu siyasi hadisənin Azərbaycanla münasibətlərin daha da inkişafına təkan verəcəyinə əmin olduqlarını ifadə ediblər.