İmişlidə baş verən dəhşətli yanğında iki  azyaşlı qardaş-bacı yanaraq ölüb.

 

APA TV-nin xəbərinə görə, dəhşətli yanğın rayonun Qaralar kəndində, Qızxanım Şəmmədovaya məxsus mənzildə baş verib. Mənzilin tavan hissəsindən başlayan yanğın nəticəsində evin üst hissəsi çöküb. Bu zaman içəridə qalan 10 yaşlı İsmayıl Şammədov və 14 yaşlı Aytac Şammədova alovdan xilas ola bilməyib. Hadisə zamanı  uşaqların anası evdə olmayıb. Mənzildə azyaşlılardan başqa  kimsənin olmadığı bildirilir. Həmçinin yanğın zamanı 235  kvadrat metrilik evin tavan hissəsi, 3 otaq və evin konstruksiyaları yanaraq sıradan çıxıb. Hadisə yerinə İmişli rayon yanğındam mühafizə  xidmətinin 2 ədəd  avtomaşını və 10 nəfər canlı qüvvəsi cəlb edilib. Yanğın məhdudlaşdırılıb və digər  ərazilərə keçməsinin qarşısı  alınıb. Cəsədlər evdən  çıxarılaraq aidıyyatı üzrə təhvil verilib.

 

Hadisənin elektrik xəttində baş verən qısa  qapanmadan yarandığı  bildirilir. Fakt araşdırılır.