"Ermənistana və Dağlıq Qarabağa ən böyük təhlükə Serj Sarkisyandır". APA TV-nin erməni mənbələrinə istinadən məlumatına görə, bu sözləri "İrs" partiyasını parlamentdə təmsil edən deputat Zauri Postancyan verib.

O bildirib ki, Sarkisyan hər dəqiqə torpaqları verməyə hazırdır: "Dördgünlük müharibədə itirilən 800 hektar ərazi onu deməyə əsas verir ki, hakimiyyət gələcəkdə də geri çəkilməyi planlaşdırır".

Postancyan əlavə edib ki, erməni ordusunun geri çəkilməsi əmri məhz indiki rəhbərlik tərəfindən verilib. İtirilən ərazilərdə bir yaşayış məntəqəsi də var və artıq Dağlıq Qarabağın təhlükəsizlik təminatı sıfıra bərabərdir.