Yəməndə törədilən iki terror aktı nəticəsində 45 nəfər həlak olub. APA TV-nin məlumatına görə, Yəmənin müvəqqəti paytaxtı sayılan Ədən şəhərində iki terror aktı baş verib.

 

Xarici KİV-lərin məlumatına görə, hər iki terror aktı üzərinə partlayıcı qurğu bağlamış şəxsin özünü partlatması nəticəsində baş verib. Birinci partlayış hökumət silahlı qüvvələrinin komandirinin evinin qarşısında qeydə alınıb. Komandir özü sağ qalsa da, orduya könüllü qoşulmaq istəyənlərdən 25 nəfər həlak olub.

 

İkinci partlayış isə İnsan Resursları Mərkəzinin qarşısında törədilib. Burada da azı 20 nəfər həyatını itirib. Hadisənin hələ ki kimlər tərəfindən törədildiyi məlum deyil.