Tovuzda zəncirvarı qəza baş verib, biri avtobus olmaqla 3 avtomobil toqquşub. Rayon Polsi Şöbəsindən APA-TV-nın qərb bürosuna verilən məlumata görə, hadisə Bakı-Qazax magistralının Tovuz rayonu ərazisindən keçən hissəsində baş verib. Qazax rayonu istiqamətində hərkətdə olan Tovuz rayon sakini, 17 yaşlı Murad Quliyevin idarə etdiyi “VAZ 2107”markalı avtomobil, Gürcüstan vətəndəşı, 47 yaşlı Mehrab Yusubovun idarə etdiyi “Mercedes” markalı sərnişin avtobusu və polis əməkdaşı Vahid Bayramovun idarə etdiyi “Fiat” markalı maşın toqquşub. Nəticədə xəsarət alan “VAZ 2107”-nin sürücüsü Murad Quliyev Tovuz rayon Mərkəzi Xəstəxanasına yerləşdirilib.

 

Tovuz rayon Polis Şöbəsində qəzanın baş vermə səbəbləri araşdırılır.