Türkiyə baş nazirinin müavini Toğrul Türkeş Türkiyənin Azərbaycanla hər sahədə münasibətləri inkişaf etdirmək üçün əzmli olduğunu deyib. APA TV-nin Türkiyə mətbuatına istinadən verdiyi xəbərə görə, ötən ayın əvvəllərində Ermənistan tərəfinin hücumu ilə başlayan toqquşmaları Türkiyənin yaxından izlədiyini söyləyən T. Türkeş qardaş Azərbaycan xalqına hər cür dəstəyə hazır olduqlarını diqqətə çatdırıb:

“Azərbaycanın ərazi bütövlüyü və suverenliyinin davamı baxımından ölkəmizin üzərinə düşən məsuliyyəti dərk edirik. Bu məsuliyyətdən irəli gələn vəzifələrimizi də yerinə yetirməkdə qərarlıyıq. Türkiyə xalqı yaxşı gündə olduğu kimi, pis gündə də azərbaycanlı qardaşlarının daim yanında  olub, bundan sonra da olmağa davam edəcək”. SİTATIN SONU.