İmişlidə ölümlə nəticələnən yol-nəqliyyat qəzası baş verib. Hadisə gecə saat saatlarında Ağsu-Kürdəmir-Bəhrəmtəpə avtomobil  yolunun Bəhrəmtəpə  qəsəbəsi ərazisində  qeydə alınıb. İmişli rayonu Qaralar kənd sakini, 30 yaşlı Əsgərov Eltun Təyyar oğlu idarə  etdiyi “Mercedes” markalı avtomobillə,   Göbəktala  kənd sakini, 1984-cü il təvəllüdlü velosipedçi Əmrahov Zabil Əvəz oğlunu vurub. Hadisə nəticəsində  velosipedçi müxtəlif  dərəcəli bədən xəsarətləri  ilə İmişli rayon Mərkəzi Xəstəxanasına yerləşdirilib. Həkimlərin  səyinə baxmayaraq, yaralının həyatını xilas etmək mümkün olmayıb. Komatoz vəziyyətində olan yaralı özünə gəlmədən dünyasını dəyişib. Faktla bağlı İmişli rayon Polis Şöbəsində  araşdırma  aparılır.