Amerika Birləşmiş Ştatlarının prezidenti Barak Obama Azərbaycan prezidenti İlham Əliyevi təbrik edib. APA TV-nin xəbərinə görə, məktubda bildirilir: "Məkkəyə həcc ziyarətinin başa çatdığı bir müddətdə Mişel və mən Qurban bayramı münasibətilə Amerikadakı və dünyadakı müsəlmanlara ən xoş arzularımızı çatdırır, xüsusən də zəvvarların müqəddəs səfəri uğurla başa çatdırmalarını diləyirik.  Amerika xalqı adından biz bu xüsusi vaxtda bütün dünyadakı müsəlmanlara Qurban bayramı və həcc ziyarətinin uğurla başa çatması münasibətilə təbriklərimizi çatdırırıq. Qurban bayramınız mübarək və həcc ziyarətiniz qəbul olsun”.