Ötən gün Gəncə şəhərində mebel sexində yanğın baş verib. APA TV-nin məlumatına görə,  hadisə şəhərin Nizami rayonunda qeydə alınıb.  Məqsəd Ələkbərova məxsus sahəsi 180 kvadratmetr olan sexdə baş verən yanğın nəticəsində mebel istehsalında istifadə olunan taxta və müxtəlif dəzgahlar yanaraq yararsız hala düşüb. Əraziyə Gəncə Yanğından Mühafizə İdarəsinin 4 yanğınsöndürən avtomobili cəlb olunub. Yanğın qıza zaman ərzində söndürülüb. Alovun digər tikililərə keçməsinin qarşısı alınıb. Yanğın zamanı 1 nəfər yanıq xəsarəti alıb.  Hazırda yanğının baş vermə səbəbləri araşdırılır.