Lerik rayonunun Veri kəndində kənd sakini, 72 yaşlı Hüseyn Əbil oğlu İsiyevin yaşadığı evə hücum edilən zaman oğlu Rəfael İsiyevin qulağını kəsməkdə şübhəli bilinən kənd sakinləri 1982-ci il təvəllüdlü Əlirza Seyidəli oğlu İsiyev və 1988-ci təvəllüdlü Natiq Rzaxan oğlu Əliyev tutulublar.

 

APA TV-nin Cənub bürosunun məlumatına görə, onlar bu gün səhər radələrində Lənkəran ərazində yaxalanıblar.

 

Saxlanılan şəxslər zərərçəkənin əmisi uşaqlarıdır. Hər iki şəxs barəsində həbs-qətimkan tədbiri seçilib.

 
Xatırladaq ki, dəhşətli cinayət mayın 28-də törədilib. Zərərçəkən tərəf hadisənin otlaq sahəsi üstündə düşən mübahisə zəminində, qarşı tərəf isə namus üstündə baş verdiyini iddia edir.

 

Faktlar bağlı Lerik rayon Polis Şöbəsində cinayət işi açılıb, araşdırmalar davam edir.