Dünya bazarında neftin qiyməti yenidən 50 dolları keçib. APA TV-nin məlumatına görə, birjalarda "Brent" markalı neftin qiyməti 50,24 dollar təşkil edib.

 

Qərbi Texas neftinin də qiyməti 50 dollara yaxınlaşmaqdadır. WTİ nefti hazırda 49,56 dollardan təklif olunur.

 

Ekspertlərin fikrincə, qiymətlərin 50 dollar ətrafında stabilləşməsi OPEK-in iyunun 2-nə nəzərdə tutulan görüşünədək davam edəcək. OPEK toplantısında quruma üzv ölkələrdə hasilat səviyyəsini azaltmaq məsələsinin müzakirəsi hələ də sual altındadır. Dolların möhkəmlənməsi neftin qiymətinin hələ uzun müddət kəskin artacağını əngəlləyir.