"NATO-nun Polşada bircə batalyonu Rusiyanın potensial təcavüzünün qarşısını almağa kifayət edir". APA TV-nin məlumatına görə, bu açıqlamanı "Defense News"a müsahibəsində Polşanın müdafiə naziri bildirib.

Antoni Matsareviç vurğulayıb ki, əgər toqquşma baş verərsə, həmin batalyon hücumu dayandırmaq barədə qətiyyən düşünməməli, əksinə, davam etməlidir.

"Yalnız bu halda Rusiya təcavüzünün qarşısı alına bilər. Bu, həm də əks-hücumlar təşkil etmək üçün vaxt udmaq deməkdir", - deyə o əlavə edib.
 

Nazir bildirib ki, NATO qoşunlarının ölkəsinin hansı ərazisində yerləşdirilməsi hələ müzakirə edilir.

Qeyd edək ki, ABŞ hərbçilərindən ibarət batalyonlar 300-800 arası əsgərlərdən təşkil olunur.