Zaqatalada azyaşlını maşın vurub. Hadisə ötən gün axşam saatlarında Zaqatala-Danaçı yolunun Makov kəndindən keçən hissəsində qeydə alınıb. Zaqatala rayonu Makov kənd sakini Rəcəbov Yusif  Rəcəb oğlu idarə etdiyi  “BMW” markalı avtomobillə Zaqatala şəhəri istiqamətində  hərəkətdə olarkən qəfildən yolu keçmək istəyən həmin kəndin sakini, 6 yaşlı Qardaşov Ramazan Mamed oğlunu vurub. Qəza nəticəsində ağır kəllə-beyin  xəsarətləri alan azyaşlı piyada Zaqatala Mərkəzi Rayon Xəstəxanasına (MRX) yerləşdirilib. Xəstəxanadan APA TV-yə verilən məlumata görə,  Ramazan Qardaşovun vəziyyəti ağırdır.

 

Faktla bağlı Zaqatala RPŞ-də araşdırma aparılır.