Gələcəkdə Almaniyada suriyalı qaçqınların sayı 500 min nəfər arta bilər. APA TV-nin məlumatına görə, bu rəqəm Almaniya Federal Millətlər və Miqrasiya İdarəsinin son hesabatında öz əksini tapıb. Hesabatda Almaniya vətəndaşları ilə ailə qurmaq yolu hesabına ölkəyə daha yüz minlərlə suriyalı qaçqının gəlmə ehtimalı olduğu deyilir.

 

Son  hesablamalara görə, Almaniya bugünədək 428 min suriyalı qaçqına sığınacaq verib. Təkcə bu ilin ilk beş ayında ölkəyə daha 72 min suriyalı gəlib. Qaçqınların sayının almanlarla ailə qurmaq hesabına artacağını bildirən dairə hesab edir ki, bu amil sosial yardımlara sərf olunan xərclərin artmasına da səbəb olacaq.