"Qazaxıstanda "rəngli inqilablar"ın təzahürləri hiss olunur". APA TV-nin Rusiya mətbuatına istinadən xəbərinə görə, bu açıqlama ilə ölkə prezidenti Nursultan Nazarbayev çıxış edib.

"Biz belə inqilabların hakimiyyətin ələ keçirilməsi məqsədilə müxtəlif metodlarla - mitinqlərlə, qətllərlə başladığını yaxşı bilirik. Bu təzahürlər artıq ölkədə hiss olunmağa başlayıb", - deyə o, əlavə edib.

 

Nazarbayev qeyd edib ki, iqtidarın liberal siyasəti və qanunlarından kimlərsə istifadə etməyə çalışır, onlar sanki dövlətin möhkəmliyini yoxlamaq istəyirlər: "Biz ən sərt addımları ata bilərik. Qoy ekstermistlər və terrorçular bundan əmiin olsunlar".

Dövlət başçısı qeyd edib ki, ölkənin qərbindəki Aktobe şəhərində baş verən hadisələr xaricdən idarə olunub.