Ötən gecə Abşeron rayonunda kafedə müştərilər arasında düşən mübahisə bıçaqlanma ilə nəticələnib.

 

APA TV-nin məlumatına görə, 53  yaşlı Meydan Ağamuradov rayonun Qobu qəsəbəsi ərazisində yerləşən kafedə naməlum şəxs tərəfindən bıçaqlanıb.

 

Tanışı şəxsi avtomobili ilə onu xəstəxanaya çatdırıb. Həkimlər sərxoş vəziyyətdə olan yaralının qarın nahiyəsindən bıçaqlandığını bildiriblər. Hadisə barədə məlumat alan Abşeron rayon Polis İdarəsinin əməkdaşları xəstəxanaya gəliblər. Yaralının vəziyyəti ağır olduğundan, onun ifadəsini almaq mümkün olmayıb.

 

Faktla əlaqədar cinayət işi başlanıb, araşdırmalar aparılır.