Neftin qiyməti ilə bağlı proqnozlar özünü doğrultmayıb. APA TV-nin məlumatına görə, həftənin əvvəlində neftin sürətlə bahalaşmasından sonra treyderlər qiymətlərin 53 dollaradək bahalaşacağını proqnozlaşdırsa da, son iki gündə qiymətlərin ucuzlaşması bu proqnozları alt-üst edib. Birjalarda həftənin son hərraclarında "Brent" markalı neftin bir bareli 50,45 dollardan satılıb. Qərbi Texas neftinin qiyməti isə yenidən 50 dollardan aşağı enib. Son hərraclarda WTİ nefti 48,91 dollardan satılıb. Ekspertlər qiymətlərin iqtisadi deyil, siyasi faktorların təsiri ilə formalaşdığını nəzərə alaraq, bir müddət bazarda qeyri-stabilliyin hökm sürəcəyini bildirir.