Gəncədə yanğın hadisəsi olub. Fövqəladə Hallar Nazirliyi Dövlət Yanğından Mühafizə Xidmətinin Gəncə şəhər Yanğından Mühafizə İdarəsindən APA TV-yə verilən məlumata görə yanğın şəhərin Heydər Əliyev prospektində 5 mərtəbəli yaşayış binasının damında baş verib. Sahəsi 600 kvadratmetr olan dam örtüyünün 35 kvadratmetri yanıb. Yanğınsöndürənlərin səyi nəticəsində alovun çardağı tamamilə bürüməsinin qarşısı alınıb.

 

Hadisə yerinə 5 avtomobil cəlb edilib və 10 dəqiqə ərzində alov söndürülüb. Yanğının səbəbi hələ ki, məlum deyil, faktla bağlı tədqiqat aparılır.