Avropa çempionatının F qrupunun ikinci oyunu baş tutub. APA TV-nin məlumatına görə, türk hakim Cüneyt Çakırın idarə etdiyi qarşılaşma olduqca gərgin keçib. Oyundan hesabı Portuqaliya yığması adından Nani açıb. O, 31-ci dəqiqədə vurduğu qolla komandasını hesabda irəli keçirib.

 

İlk yarı bu hesabla bitib.  Oyunun ikinci yarısı da komandaların qarşılıqlı hücumları ilə keçib.  50-ci dəqiqədə İslandiya yığması  hesabı bərabərləşdirməyə nail olub. Byarnsson özünün və komandasının ilk qolunu vuraraq aradakı fərqi qapadıb.

Oyundan başqa qol olmayıb və matç 1-1 bərabərliklə bitib.