Gədəbəydə "Son zəng" tədbirində insident olub. APA TV-nin qərb bürosunun məlumatına görə, hadisə rayonun Çaldaş kəndində qeydə alınıb.

 

Məktəbdən kənarda keçirilən "Son zəng" şənliyində baş verən kütləvi davada 1996-cı il təvəllüdlü Yaşar Nəbiyev və onun əmisi oğlu, 2000-ci il təvəllüdlü Röyal Nəbiyev bıçaqlanıb. Yaşar Nəbiyev Gəncə şəhər Təcili Tibbi Yardım Xəstəxanasına, Röyal Nəbiyev isə Şəmkir Mərkəzi Rayon Xəstəxanasına yerləşdirilib.

 

Cinayəti törətməkdə şübhəli bilinən 1999-cu il təvəllüdlü Sərxan Tağıyev saxlanılıb.

 

Faktla bağlı Gədəbəy rayon Polis Şöbəsində araşdırma aparılır.