Bakı-Şamaxı-Yevlax yolunda ölümlə nəticələnən avtomobil qəzası baş verib. APA TV-nin xəbərinə görə, hadisə oktyabrın 13-də yolun 133-cü kilometrliyində, Şamaxının Mirikənd kəndi ərazisində qeydə alınıb. Qobustan rayonu Ərəbşalbaş kənd sakini 1973-cü il təvəllüdlü Saatov Nəriman Ağaveyis oğlunun idarə etdiyi 50-CK-811 dövlət nömrə nişanlı “Mercedes” markalı minik maşını yoldan çıxaraq ağaca çırpılıb və sonra çökək əraziyə aşıb. Hadisə nəticəsində sürücü Nəriman Saatov ölübb. Maşında sıxılmış vəziyyətdə qalan sürücünün meyiti FHN-nin xilasediciləri tərəfindən xüsusi kəsici alətlər vasitəsilə çıxarılıb.

 

Faktla bağlı Baş Dövlət Yol Polisi İdarəsinin istintaq və təhqiqat şöbəsi tərəfindən araşdırma aparılır.