Ötən gün 23 yaşlı gənc Xəzər dənizində batıb.

 

APA TV-nin məlumatına görə, Fövqəladə Hallar Nazirliyinin Böhran Vəziyyətlərində İdarəetmə Mərkəzinə Səbail rayonunda, dənizdə ən yaxınlıqdakı xilasetmə məntəqəsindən 900 metr aralı, nəzarətsiz ərazidə bir nəfərin suda batması ilə bağlı məlumat daxil olub.

 

Hadisə yerinə yollanan xilasedicilər cəsədi suda çıxarmağa nail olublar. Məlum olub ki, suda boğulan 1993-cü il təvəllüdlü Mustafayev Məhəmməd Əşrəf oğludur. Onun cəsədi aidiyyəti üzrə təhvil verilib.

 

Faktla bağlı Səbail rayon Polis İdarəsində araşdırma aparılır.