İsveçrə Avropa İttifaqına üzv olmaqdan rəsmi şəkildə imtina edib. APA TV-nin  "Euronews"a istinadən xəbərinə görə, bu barədə müraciət ölkəyə hələ 1992-ci ildə edilib.

İsveçrə Kantonlar Şurasında 27 parlamentar bunun lehinə, 13 nəfər isə əleyhinə səs verib.

Bir il bundan əvvəl ölkədə keçirilən referendumda vətəndaşların böyük əksəriyyəti də Avropa İttifaqına qoşulmaq istəmədiklərini bildiriblər. Deputatların münasibəti isə həmin referendumun nəticələrini daha da möhkəmləndirib.

Xatırladaq ki, 1992-ci ilin dekabrında isveçrəlilər Avropa iqtisadi zonasına qoşulmağa "yox" deyiblər. Bu isə Avropa İttifaqına üzv olmaq üçün vacib şərtlərdəndir.