Pentaqon Rusiya hərbi təyyarələrinin Suriyada ABŞ-ın dəstəklədiyi müxalifləri vurduğunu bildirib. Adının açıqlanmasını istəməyən yüksək çinli Pentaqon rəsmisi açıqlamasında qeyd edib ki, ötən gün Suriyanın cənubunda al-Tanfa yaxın bölgədə, Rusiya təyyarələri aralarında ABŞ-ın dəstəklədiyi müxaliflərin olduğu  qruplaşmaları vurub. Həmin qruplaşmalar İŞİD-ə qarşı döyüşürmüş.

 

Pentaqon rəsmisi "Rusiyanın son hərəkətləri onların niyyətləri barəsində ciddi narahatlıq doğurur. Rusiyadan bu hücumu nəyə görə həyata keçirdiklərini açıqlamasını və bunun bir daha yaşanmamasının təminatını istəyəcəyik", deyə bildirib.