Futbol üzrə Rusiya millisi Avropa çempionatının son turu çərçivəsində Uels yığmasına məğlub olub. APA TV-nin məlumatına görə, Tuluzada keçirilən qarşılaşma rusların 3:0 hesablı məğlubiyyəti ilə bitib.

 

İqor Akinfeyevin qoruduğu qapıya ilk qolu 11-ci dəqiqədə Aaron Remzi vurub. Co Allenin ötürməsindən sonra qapıçı ilə təkbətək qalan uelsli futbolçu hesabı açıb.

 

Bundan 9 dəqiqə sonra Nil Teylor Qaret Beylin ötürməsindən sonra Uels millisinin üstünlüyünü iki topa çatdırıb.

 

67-ci dəqiqədə isə Qaret Beylin özü fərqlənib və hesabı darmadağın həddinə çatdırıb.

 

Beləliklə Rusiya millisi qrup mərhələsində cəmi 1 xal toplamış olub və evə qayıtmaq məcburiyyətindədir. Uels millisi isə qrup birincisi kimi növbəti mərhələyə vəsiqə qazanıb.