Masallı rayonunda bir nəfər çaya düşüb. APA TV-nin cənub bürosunun məlumatına görə, hadisə dünən axşam saatlarında rayonun Kosakür kəndində qeydə alınıb.

 

Ərkivan qəsəbə sakini, 1957-ci il təvəllüdlü Abbasov Etibar Abbas oğlu ehtiyatsızlıqdan çaya düşüb.

 

Fövqəladə Hallar Nazirliyinin (FHN) Dövlət Sularda Xilasetmə Xidmətinin dalğıc-xilasediciləri hadisə yerinə cəlb olunub və Etibar Abbasovun cəsədi Dövlət Sularda Xilasetmə Xidmətinin dalğıc-xilasediciləri tərəfindən (batdığı yerdən 80 metr aralıda) tapılıb.

 

Cəsəd sudan çıxarılaraq aidiyyəti üzrə təhvil verilib.