AÇ-2016-da 1/8 finalın daha bir qarşılaşması baş tutub. Günün ikinci oyununda Almaniya millisi Slovakiya ilə qarşılaşıb. Olduqca aktiv oyun nümayiş etdirən Almaniya komandası 8-ci dəqiqədə hesabı açıb. Qolun müəllifi Jerom Boatenq komandasını 1:0 irəli keçirib.

Almaniya millisi bu qolla kifayətlənməyib. Oyunun birinci hissəsinin sonlarına yaxın, 43-cü dəqiqədə Qomez komandasının ikinci qolunu vurub. 2:0

 

Birinci hissə 2:0 Almaniyanın xeyrinə bitib. İkinci hissədə də aktiv olan Almaniya komandası növbəti qolla aradakı fərqi 3-ə çatdırıb. Qolun müəllifi 63-cü dəqiqədə Draksler olub.

Oyundan başqa qol olmayıb. Beləliklə, Almaniya Avropa Çempionatının ¼ final mərhələsinə vəsiqə qazanıb.