Futbol üzrə Avropa çempionatında 1/4 final mərhələsinin bütün cütlükləri məlum olub.

 

APA TV-nin xəbərinə görə, növbəti mərhələyə iyunun 30-da start veriləcək.

 

1/4 finalların ilk günündə meydana Polşa və Portuqaliya milliləri çıxacaqlar.

 

Uels və Belçika milliləri iyulun 1-də Lill şəhərində qarşılaşacaqlar.

 

İyulun 2-də isə futbolsevərlər Avropa çempionatının finalına bərabər oyuna azarkeşlik edəcəklər: Almaniya və İtaliya milliləri qüvvələrini sınayacaqlar.

 

İyulun 3-də meydan sahibi Fransa millisi sürpriz şəkildə 1/4 finala gəlib çıxmış İslandiya yığmasını sınağa çəkəcək.