Kürdəmirdə zəncirvari yol-nəqliyyat hadisəsi baş verib. APA TV-nin yerli bürosunun xəbərinə görə, hadisə şəhərin Heydər Əliyev prospektində qeydə alınıb.

 

Kürdəmir rayon sakinləri, 1983-cü il təvəllüdlü Fariz Fazil oğlu Cəfərovun idarə etdiyi “LADA Priora” markalı avtomobil 1953-cü il təvəllüdlü Əjdər Abbas oğlu Məmmədovun idarə etdiyi “Nissan” la toqquşub.

 

Daha sonra “Lada” 1962-ci il təvəllüdlü Cəfər Tapdıq oğlu Cəfərovun yol kənarında saxladığı “VAZ-2106” markalı maşına çırpılıb.

 

Hadisə zamanı xəsarət alan olmasa da, hər 3 maşın yararsız hala düşüb. Faktla bağlı araşdırma aparılır.