Səbail rayonunda yanğın baş verib. APA TV-nin məlumatına görə, hadisə  Bibiheybet qəsəbəsində yerləşən qəbiristanlıqda qeydə alınıb.

 

Alovla müşahidə edilən yanğın qısa zamanda məzarlıq ərazisini əhatə edib. Şahidlərin dediyinə görə, qəbiristanlığı kimsə qəsdən yandırıb. Hadisə yerinə Fövqəladə Hallar Nazirliyinin (FHN) Dövlət Yanğından Mühafizə Xidmətinin 3 texnikası və canlı qüvvəsi cəlb edilib.  Alov tez bir zamanda söndürülüb.

 

İlkin məlumata görə, qəbiristanlıqdakı quru otun yanmasına səbəb vətəndaşlar tərəfindən atılan siqaret kötüyü olub.

 

Faktla bağlı araşdırmalar davam etdirilir.