ABŞ dövlət katibi Con Kerri  Azərbaycan prezidenti İlham Əliyevə zəng edib. APA TV-nin məlumatına görə, telefon danışığı zamanı Dağlıq Qarabağ zonasında vəziyyətlə bağlı müzakirə aparılıb. 

 

Kerri son həftələrdə təmas xətti boyu atəşkəs rejiminə əməl edilməsinin müsbət hal olduğunu qeyd edib. Dövlət katibi həmçinin ABŞ-ın münaqişənin hərtərəfli həllinə dəstək verməyə hazır olduğunu təsdiqləyib və prezidentləri ATƏT Minsk Qrupunun vasitəçiliyi ilə danışıqları davam etdirməyə çağırıb.

 

Dövlət Departamentinin məlumatına görə, Con Kerri Ermənistan prezidenti ilə də əlaqə saxlayıb. O, Serj Sarkisyanı sülh prosesinin irəliləməsi üçün vəziyyətin gərginləşməsinə yol verməməyə çağırıb.