Xaçmaz rayonunda iş adamı, 1963-cü il təvəllüdlü Məmmədov İlqar Rüstəm oğlu yaşadığı evdə qətlə yetirməkdə şübhəli bilinən bir nəfər saxlanıb.

 

APA TV-nin şimal bürosunun məlumatına görə, Xaçmaz rayonunun Ağyazı Buduq kənd sakini, 1991-ci il təvəllüdlü Hüseynov Qalib Nəcməddin oğlu hüquq-mühafizə orqanları tərəfindən dindirilib. Bu gün prokurorluq əməkdaşlarının iştirakı ilə onun hadisə yerində ifadəsi alınıb.

 

Qeyd edək ki, Xaçmaz şəhəri Mirzə Fətəli Axundov küçəsində yaşayan 1963-cü il təvəllüdlü İlqar Rüstəm oğlu Məmmədov iyunun 16-da yaşadığı evdə qətlə yetirilib.

 

İ.Məmmədov ticarət mallarının topdan satışı ilə məşğul olub.

 

Faktla bağlı araşdırmalar davam etdirilir.