ABŞ-ın Dallas polisi aksiya zamanı polis əməkdaşlarına atəş açan şəxsin adını açıqlayıb. APA TV-nin məlumatına görə, bu, 25 yaşlı Mika Consondur.

 

İlkin məlumata görə, onun terrorçularla heç bir əlaqəsi yoxdur. Şübhəli şəxs vaxtilə ABŞ quru qoşunlarının tərkibində Əfqanıstanda xidmət edib.

 

Xüsusi xidmət orqanları Mika Consonun evində axtarış da aparıblar.

 

Polis əməkdaşlarının atəşə tutulmasında şübhəli bilinən bir qadın və iki kişi də saxlanılıb.

 

Qeyd edək ki, etiraz aksiyası zamanı polis əməkdaşlarına açılan atəş nəticəsində 5 asayiş keşikçisi həlak olub.